“Njohja nga Izraeli s’do të ndikojë që 5 shtetet e BE-së ta njohin Kosovën”

00:20 | 8 Shtator 2020
Trina Galanxhi

Gazetari Augustin Palokaj ka thënë në Interaktiv të KTV-së se njohja e Kosovës nga Izraeli nuk mund të ketë kurrfarë ndikimi te 5 shtetet e Bashkimit Evropian, që ende nuk e kanë njohur Kosovën.

“Vendet e BE-së e mbajtën këtë qëndrim edhe pas vendimit të GJND-së, edhe pse si arsyetim fillimisht e kishin pasur se shpallja e pavarësisë është në kundërshtim me të drejtën ndërkombëtare. Por edhe kur GJND-ja e dha mendimin se shpallja e pavarësisë nuk e shkel të drejtën ndërkombëtare, këto shtete nuk e ndryshuan qëndrimin”, ka thënë ai.

Palokaj ka thënë se këto 5 shtete të BE-së që nuk e kanë njohur Kosovën i kanë pasur arsyet e veta.

“Kanë të bëjnë me situatat e brendshme, por BE-ja po ashtu ka filluar të ndjehet mirë në qëndrimin neutral ndaj statusit, pavarësisht se shumica e madhe e vendeve e kanë njohur Kosovën”. ka thënë ai.

 

Shpërndaje në rrjete sociale

Lajmet më të lexuara

Të ngjashme

Foto lajm